(Фото) Јунајтед се врати во историјата: Вака ќе изгледа гостинскиот дрес на „Црвените ѓаволи“ следната сезона

Манчестер Јунајтед денеска и офицјално го претстави дресот во кој ќе се натпреварува следната сезона.

Гостинската, црна гарнитура можеше да ја видиме на интернет пред неколку дена, но утрово пристигна и официјалната потврда дека фудбалерите на клубот од „Олд Трафорд“ навистина ќе го носат овој дрес од Адидас следната сезона.

Овој дрес на Јунајтед, според мислењето на многу навивачи е еден од најубавите кои „Црвените ѓаволи“ ги имале во поновата историја, а неговиот дизајн е реплика од познатиот дрес кој играчите на Јунајтед го носеа на самиот почеток од 90 години.

Улогата на маникени овој пат ја имаа Погба, Де Геа, Михтаријан, Ерера, Блинд и уште неколку ѕвезди на англискиот гигант.