Фото: Нема дилема каде Дибала ќе ја продолжи кариерата

Пауло Дибала е меѓу играчите кои најмногу разочараа оваа сезона, а според многумина причина за тоа е доаѓањето на Роналдо во клубот минатото лето.

Веќе неколку време се споменува дека Аргентинецот може да го напушти торинскиот клуб, но после фотографиите кои се направени на Алијанц стадионот нема дилеми дека играчот и наредната сезона ќе биде член на Бјанконерите.

Дибала заедно со Федерико Бернардески се фотографира во дресот на Јувентус за наредната сезона. Со оглед дека послужил како модел во промоцијата на новата гарнитура дресови јасно е дека “десетката“ на Старата дама ќе биде резервирана за него и следната сезона.

Овој 25-годишен играч оваа сезона постигна само 10 погодоци, пет во ЛШ и пет во Серија А, а навивачите на Јуве сигурно очекуваа повеќе од него.