ФОТО Еве во чие друштво ужива Мбапе додека фудбалскиот свет ја чека неговата одлука

И додека целиот фудбалски свет чека да види што ќе се случи кога станува збор за Килијан Мбапе и неговото веројатно заминување од ПСЖ, Французинот, барем така изгледа, е целосно опуштен.

Денеска е снимен како пие коктели во друштво на две атрактивни девојки на Сардинија.

Засега не се знае кои се девојките со кои бил, а не се знае ни кој е мажот кој се појавува на некои од фотографиите, но тоа и онака е споредно во однос на приказната.

Она што е клучно е фактот дека Мбапе и покрај тоа што беше исфрлен од тимот на ПСЖ и на заминување од клубот, не покажува дека тоа особено го погодува во приватниот живот.

Информациите од светските медиуми и инсајдери упатуваат во насока дека Мбапе ќе го напушти ПСЖ, а кога ќе се реализира трансферот ќе биде на рекордно високо ниво.

Рекордот и понатаму го држи Нејмар, за кого ПСЖ во летото 2017 година и плати 222 милиони евра на Барселона.

Во меѓувреме, ПСЖ се подготвува за новата сезона, а во тимот на Луис Енрике го нема Мбапе.

Le Parisien пишува дека ситуацијата со Мбапе ќе остане непроменета: „Килијан Мбапе нема да се приклучи на првиот тим и ќе продолжи да тренира со отпишани и непожелни играчи“.

Да потсетиме, Мбапе за ПСЖ одигра 260 натпревари со учинок од 212 гола и 98 асистенции. Тој е под договор само до следната сезона и затоа ПСЖ сака да го продаде веќе ова лето, за да заработи на него.