Флик сака дисциплина, еден фудбалер на Барселона веќе бил казнет

Екипата на Барселона славеше победа од 3:0 во натпреварот против Алавес и така ја зголеми предноста во однос на Реал Мадрид на три бода.

Во овој натпревар внимание привлече потегот на Ханси Флик да го остави Жил Кунде на клупата за резерви.

Прво се претпоставуваше дека Флик сакал да му даде одмор, меѓутоа вистината е поинаква.

Флик е познат како некој кој сака максимална дисциплина, па така одлучил да го санкционира Кунде на клупата затоа што задоцнил.

„Не стигна на време за натпреварот и поради тоа беше казнет. Познато е дека Германецот сака дисциплина и ќе преземе драстични мерки за оние кои не ги почитуваат правилата“, открил извор од Барселона.