„Феноменот“: Бев импресиониран од Ван Бастен, а Зидан е најдобриот

Бразилецот Роналдо, кој важи за еден од најдобрите напаѓачи на сите времиња, во кариерата играше во неколку европски гиганти.

Роналдо најголема трага остави во Реал Мадрид, но во кариерата играше со многу големи шампиони, а сега откри кој е најдобриот.

„Зизу е најдобриот фудбалер со кој некогаш сум тренирал и играл, а сега е тренер со освоени три шампионски титули во ЛШ. Понекогаш се прашувам дали Зидан е подобар како играч или како тренер, изјави Роналдо.

Исто така Бразилецот откри кои му беа омилени играчи кога беше тинејџер.

„Најмногу ме импресионира Марко ван Бастен. Од мал го следев италијанскиот фудбал и посебно обрнував внимание на него. Исто така Марадона и Кројф ми беа голема инспирација, а тука е и Бразилецот Зико. Тој играше во Фламенго, а јас сум навивач на тој тим“, откри Роналдо.