Уште еден подвиг на Сашко Кедев: Стана првиот Македонец кој го искачил петтиот највисок врв во светот!

Maкедонскиот кардиолог и алпинист Сашко Кедев успеа да направи уште еден подвиг и утрото на Велигден се искачи на врвот Макалу кој е висок 8.485 метри. Тој е петти највисок планински врв во светот.

Така Кедев освои уште еден од највисоките светски врвови. До врвот се искачи заедно со експедиција од четворица меѓународни алпинисти и петмина шерпаси.

Во негова придружба беше искусниот Кили Пемба Шерпа кој беше еден од 10-те непалски планирани кои се искачија на К2 во 2021 година.

Кога ќе се погледне алпинистичката кариера на Кедев таа е навистина импресивна бидејќи ги освои 10 од 14 врвови кои се над 8.000 метри: Покрај Макалу тој ги има искачено и Монт Еверест (8.848), Нанга Парбат (8.126), Анапурна (8.091), Чо Оју (8.188), Броуд Пик (8.051), К2 (8.611), Далагири (8.167), Манаслу (8.163) и Лоце (8.516).