Тијаго Силва: Не знам зошто ни се вакви резултатите

Стоперот на Челзи, Тијаго Силва не може да лоцира во што е проблемот во играта на неговиот тим после поразот на домашен терен од Манчестер Сити 3:0.

Во Премиер лигата Челзи е на осмата позиција на табелата со 26 бодови од 17 натпревари.

„Не сфаќам во што е проблемот. Да знам би можел да дадам некој совет, но навистина не знам. Премиер лигата е една од најтешките лиги во светот. Првото полувреме против Сити беше болно, треба да работиме повеќе и да бидеме внимателни. Второто полувреме го одигравме многу подобро, но веќе не можевме ништо да направиме“, изјави Силва.

Челзи е со само една победа на последните шест натпревари во Премиер лигата и „сините“ се наоѓаат на осмата позиција на табелата во ПЛ.