Тешки обвинувања на сметка на Перез: Бараше од УЕФА да го добие Ајакс!

Шампионот на Европа во осминафиналето од Лигата на шампионите ќе игра против Ајакс.

Реал е апсолутен фаворит во овој двомеч и елиминација од холандскиот претставник би била еднаква на катастрофа за „кралевите“.

Сега неколку дена после ждребот новинарот на „ЕСПН“, Жорге Рамос изнесува тешки обвинувања на сметка на претседателот на Реал Мадрид, Флорентино Перез.

Овој новинар во текот на ТВ пренос изјави дека добил порака од блиски соработници на Перез дека пет дена пред ждребот сопственикот на „кралевите“ започнал да врши притисок на

УЕФА за Реал да го добие Ајакс. На крајот тоа и се случи. Сепак, треба да се каже дека новинарот не приложи докази за својата теорија, па треба да се земе со доза на резерва.

Како и да е сега се чека реакцијата на Перез.