Судијата кој не го призна голот на Роналдо доби отказ

Дани Микели, главниот судија од дуелот помеѓу Србија и Португалија во квалификациите за СП, му даде отказ на својот долгогодишен помошник Мари Дикс.

Токму Дикс во третата минута од судиското продолжение направи превид и не му призна чист гол на Кристиано Роналдо, иако топката со цел обем ја мина гол линијата.

„Долги години работам со Мари и разбирате дека ова е тешка одлука за мене и затоа нема да ја коменитарам“, изјави Микели.

„Ова е големо разочарување за мене баш пред Европското првенство. Микели ми рече дека сака да продолжи со друг помошник бидејќи ја загубил довербата во мене. Навистина се надевав на поголема поддршка, долго соработуваме, грешки се случуваат“, изјави Дикс.