Стигна понуда од 200 милиони за Мбапе, но не од Реал – Навивачите на великанот се смеат на тоа

Сагата околу заминувањето на Килијан Мбапе од ПСЖ продолжува.

Клубот од Париз му даде рок од две недели на францускиот репрезентативец да потпише нов договор или да го продаде, а денеска беше објавено дека Ливерпул испратил понуда од 200 милиони евра.

Сепак, оваа информација ги насмеа дури и навивачите на „Црвените“.

Преговорите помеѓу Килијан Мбапе и ПСЖ секогаш одат тешко околу потпишувањето на нови договори. Фантастичниот напаѓач минатата година потпиша нов двегодишен договор и клубот сега го притиска да потпише нов.

“Нашиот став е јасен. Сакаме тој да остане, а за да го направи тоа, тој мора да потпише нов договор. Не можеме да дозволиме најдобрите во светот да си заминат бесплатно следната година. Тоа е невозможно”, изјави првиот човек на клубот Насер Ал Хелаифи.

Пред 24-годишникот е поставен услов. Или потпишете или ќе ве продадеме, а наводно веќе му е одредена цена од 200 милиони евра.

Французинот долго време се поврзува со Реал Мадрид. Договорот во Мадрид наводно е подготвен за потпишување и се чека конечната одлука за иднината на напаѓачот на ПСЖ.

И додека Мбапе се поврзува со Реал, шпанските медиуми тврдат дека Ливерпул испратил понуда до францускиот шампион. „Црвените“ наводно се подготвени да ги потрошат бараните 200 милиони евра за да ангажираат еден од најдобрите напаѓачи во светот.

Сепак, навивачите на гигантот од Енфилд не им веруваат на овие приказни од Шпанија. Страниците посветени на црвените се смеат на ваквите вести кои доаѓаат од Пиринеите.

„Ливерпул испрати понуда од 200 милиони за Килијан Мбапе. Дали некој им кажа кои се нашите сопственици?“, прашуваат навивачите на „црвените“ и додаваат:

Не можат да дадат 50 милиони фунти за Ромео Лавија, а да дадат толку пари за Мбапе“, е пораката на навивачите на Ливерпул.

Да потсетиме, најскапото засилување на „црвените“ во историјата е Дарвин Нуњез, кој минатото лето беше платен 100 милиони евра на Бенфика.

Претходно, тие потрошија многу во 2018 година кога во клубот пристигнаа Вирџил ван Дијк, Алисон, Фабињо и Наби Кеита за речиси 200 милиони фунти.