Станковиќ искрен: Се надевам дека Јувентус нема да стигне до „Триплета“

Како што одминува сезоната отпимизмот кај навивачите на Јувентус е се поголем.

Одличниот старт на сите фронтови дава за право на навивачите и фудбалерите на Јувентус да се надеваат на тројна круна во Италија, нешто што од италијанските клубови му успеало само на Интер.

Оваа приказна на посебен интезитет доби после доминатниот настап на „старата дама“ на „Олд Трафорд“ против Манчестер Јунајтед. Еден дел од Италија верува дека такво сценарио е можно, но друг не би сакал да се случи такво нешто.

Во оваа втората група спаѓа и поранешниот фудбалер на Интер, Дејан Станковиќ кој беше член на тимот на Интер од 2010 година кој стигна до „триплета“.

„Триплета за Јувентус? Се надевам дека тоа нема да се случи. Меѓутоа, морам да бидам искрен. Во Италија тие се на едно повисоко ниво. Секогаш го засилуваат тимот. Имаат широк кадар. Многу на таа тема зборуваше Мурињо на конференцијата во Манчестер. Можам да се сложам со неговиот став“, изјави за „Тутоспорт“, Станковиќ.