Србија во драматичен натпревар славеше над Кореја, но за пласман во следната фаза потребно им е чудо

Репрезентацијата на Србија денес ја забележа првата победа на Светското првенство во Германија и Данска.

Србија денес славеше против Кореја со два поени разлика 31:29. Клучниот момент се случи кон средината на второто полувреме кога Србите направија серија од 9:3.

Корејците им правеа огромни проблеми и имаа предност се до 45 минутата (19:22), тогаш следеше серијата во која постигнаа девет гола, а голманот на Вардар, Милосављев запиша неколку клучни одбрани.

Со оваа победа Србија стигна до три освоени бодови, еден помалку од Русија и Бразил во трката за третото место во групата А кое води во следната фаза.

За Србија да помине во следната фаза потребен им е вистинско чудо – да го победат домаќинот Германија, но и да чекаат порази на директните ривали. Франција е фаворит против Русија, додека Кореја би требало да оствари сензационална победа над Бразил.