Спалети искрено: Не можeме против Јувентус!

Новиот тренер на Интер, Лучијано Спалети смета дека и покрај одличниот трансфер рок, сепак „нероаѕурите“ немаат доволно силен тим со кој можат да го преземат тронот од „старата дама“.

Спалети истакна дека е среќен од новите засилувања, но искрено призна дека Јувентус и Наполи во овој момент имаат подобар тим.

„Задоволен сум од тоа како Интер го одработи трансфер периодот, но реално Јувентус е пред сите. Не сакам да ги потценувам другите, но мислам дека Јуве и оваа година е пред сите останати. Наполи игра одличен фудбал и мислам дека тие се најблиску до Јувентус“, истакна Спалети.

Интер одлично ја започна новата сезона со победи над Фиорентина и Рома, а викендов игра на домашен терен против СПАЛ.