Фудбалската конфедерација КОНМЕБОЛ отвори истрага за сцените од полуфиналниот натпревар на Копа Америка меѓу Уругвај и Колумбија, кој беше одбележан со немили сцени, односно пресметка на играчи со навивачите. Во тој инцидент истакната улога имаше напаѓачот на Ливерпул и на уругвајската репрезентација Дарвин Нуњез.
Да потсетиме, тој беше еден од играчите чие семејство, пишуваат уругвајските медиуми, било малтретирано од навивачи на колумбиската репрезентација на трибините.
Исхрана, повреди и тренинг – совети од доктор по спортска медицина | Уште еден поткаст
Откако видел што се случува, Нуњез отишол да го спаси своето семејство и да ги однесе на безбедно. Попатно добиваше и им задаваше удари на навивачите кои сакаа да го спречат.
Поради сцените на насилство, КОНМЕБОЛ отвори истрага за „да се погледне редоследот на настаните и одговорностите вклучени во насилните дејствија што се случија на крајот од натпреварот меѓу репрезентациите на Уругвај и Колумбија“.
„Сакаме уште еднаш да нагласиме и предупредиме дека нема да толерираме никаква акција што би ја оцрнила оваа глобална фудбалска прослава, која вклучува и играчи и навивачи на стадионот, а која ја следат стотици милиони гледачи ширум светот.
Неприфатливо е ваквиот инцидент да ја претвори страста во насилство. Затоа, нема да се толерира однесување кое му штети на спортското натпреварување и најубавиот спектакл на светот, кој му припаѓа на целото фудбалско семејство“, се вели во соопштението.
По натпреварот, Нуњез е снимен како го носи и го смирува својот син откако го извлекува од трибините. Светските медиуми пишуваат дека тој се соочува со долга суспензија поради тепачката. Во финалето на Копа Америка ќе играат Аргентина и Колумбија, додека за третото место Уругвај ќе игра против Канада.
Учество во игри на среќа е дозволено за лица со 18+ години. Играј одговорно!