Сонародник го критикува Меси: Тој веќе не е феномен, навикнат е да го величат!

Лионел Меси после „Ел Класико“ кое Барселона го изгуби со 2:0 од Реал е мета на критики, а сега го критикуваше Уго Гати, поранешен репрезентативец на Аргентина и легенда на Бока Јуниорс.

Гати со Бока Јуниорс освои два трофеи во Копа Либертадорес, тој смета дека Меси повеќе не е феномен и е причина за бавната игра на Барселона.

„Не ми е гајле дали ќе ме критикуваат во Аргентина, Јас Аргентинец, но Меси беше феномен, веќе не е! Сега само го величат, тој е навикнат дека што и да направи за него нема да се каже ништо лошо, па се шета на теренот. Кога имате играч како Меси играчите постојано му ја додаваат топката, па ако тој не е на нивото тоа се одразува на играта“, изјави Гати.