Собослаи ги нападна лекарите: Треба да бидат побрзи, секунди спасуваат живот

Унгарскиот фудбалер Барнабас Варга заработи повеќекратни скршеници на коските на лицето на натпреварот против Шкотска.

Додека неговиот татко открива дека операцијата минала успешно, Доминик Собослаи остана огорчен од бавната реакција на лекарите.

Ѕвездата на Ливерпул реагираше кон докторите и ги натера да стигнат побрзо до неговиот соиграч кој беше на теренот.

„Не можам да го разберам протоколот на УЕФА, не знам зошто лекарите не трчаат во тие непријатни моменти. Ова прашање треба да си го постават сите. Неколку секунди можат да спасат живот. Се надевам дека никогаш повеќе нема да искусиме нешто вакво на теренот“, изјави Собослаи.