Случај „наследник на Венгер“: Уште еден кандидат помалку

И понатаму е големо прашање кој би можел да го наследи Арсен Венгер во Арсенал.

Арсенал е во потрага по потенцијален наследник на Венгер кој неодамна објави дека си заминува на крајот од сезоната.

Неколку имиња се опција, а најголеми шанси во овој момент им се даваат на Патрик Виера и Микел Артета.

Се пишуваше и за Брендан Роџерс кој своевремено го водеше Ливерпул и малку недостасуваше да ја освои шампионската титула во сезоната 2013/2014, но сега кога е Роџерс во прашање, нема дилеми.

„Многу сум среќен тука во Селтик, ја работам работата која ја сакам, а ова е голем клуб со големи очекувања. Би сакал еден ден да се вратам во Премиер лигата, но сега тука имам поддршка и како што кажав среќен сум и не размислувам за заминување“.

„Имам почит кон Арсенал, учев од Венгер. Сепак, ова е најдолгата листа која во животот сум ја видел“, изјави Роџерс за листата потенцијални наследници на Венгер.