Сити го доведе за 65 милиони евра, а сега Баерн може да го позајми

Баерн Минхен во јануари би можел да се засили од Манчестер Сити, покрај тоа што баварците го обновија интересот за Лерој Сане, сега се поврзуваат и со Жоао Кансело.

Во овој момент на позицијата десен бек во Баерн игра Џошуа Кимих и тоа го прави одлично. Но, во раководството на Баерн сметаат дека Кимих може да игра уште подобр во средниот ред и од почетокот на 2020 имаат намера да го преместат понапред. Со тоа би се отворил простор на десната страна во одбраната.

Кансело се вклопува во профилот на играчот кој го бараат: Брз, експлозивен, продорен…Во Минхен веруваат дека е достапен бидејќи оваа сезона започна само четири натпревари во Премиер лигата. Во Лигата на шампионите одигра исто така четири натпревари, беше стартер и во четвртфиналето на Лига Купот, но е во сенка на Кајл Вокер. Уште ако се знае дека вклучувајќи го Данило на Јувентус беше платен 65 милиони евра јасно е дека Португалецот не ги оправда очекувањата. На Кансело потребно му е да биде стандарден и за да не го изгуби местото во Португалија пред Европското првенство.

Баерн му нуди излез, привремен е, бидејќи баварците во овој момент не можат да го откупат неговиот договор, а и Сити сигурно не би се откажал од него после само шест месеци. Затоа како идеално решение се споменува позајмица, па потоа да се преговара што понатаму.