Синот на Ибрахимовиќ повикан во репрезентацијата на Шведска

Винсент Ибрахимовиќ, синот на легендарниот шведски фудбалер, Златан доби повик во кампот на репрезентацијата на Шведска за фудбалери родени 2008 година.

Синот на Ибрахимовиќ кој има 15 години е член на италинански Милан, а вкупно на овој камп повикани се 66 фудбалери кои ќе се обидат да се изборат за место во репрезентацијата на Шведска до таа возраст.

Покрај Винсент, Ибрахимовиќ има уште еден син, Максимилијан, но ова е првпат некој од нив да биде поврзан со шведската репрезентација.

Максимилијан исто така игра за Милан, но во тимот до 18 години. Тој игра на крилната позиција и оваа сезона за јуниорскиот тим на „росонерите“ одигра пет натпревар и не се запиша во листата на стрелци.