Се сеќавате ли кога Ливерпул последен пат беше поразен во ПЛ на Енфилд?

Фудбалерите на Ливерпул формата од претходната сезона ја пренесоа и во новата, каде се лидери на табела во ПЛ.

Претходната сезона ја освоија титулата во ЛШ, а титулата во ПЛ им избега за еден бод.

Оваа сезона фуриозно тргнаа и во првенството, каде се први на табелата со шест бода предност пред Манчестер Сити.

Она што е фасцинантно е формата на Ливерпул на Енфилд во ПЛ, каде Црвените не загубиле натпревар уште од април 2017. година.

Последниот пораз на Енфилд беше од Кристал Палас на 23. април 2017. година. Ливерпул тогаш поведе преку Кутињо, а пресврт за гостите со два гола донесе Бентеке.

Блиску до прекин на таа низа беше Тотенхем кој вчера водеше со 1:0, но Ливерпул успеа да направи пресврт и да слави победа.

Со оглед на одличната форма на тимот кој го предводи Јирген Клоп, се поставува прашањето дали некој во брзо време може да го победи на Енфилд.