Се оди според планот – Емери откри кога Нејмар ќе се врати на терените

Бразилскиот фудбалер, Нејмар веќе неколку недели се наоѓа надвор од терените поради повреда.

Нејмар доби дозвола од клубот да отпатува во Бразил каде што се опоравува од повредата, а според зборовите на Унаи Емери тој ќе се врати на терените за неколку недели.

Според Емери, опоравувањето на Нејмар оди според планот и тој ќе се врати на тренинзите до крајот на овој месец.

„Разговарам често со Нејмар и се оди според планираното. За две или три недели тој ќе се приклучи на тимот, а на почетокот на мај сигурно ќе биде на теренот. Има голема желба да се врати колку што е можно побрзо со цел да биде во најдобра форма за Мундијалот во Русија“, изјави Емери.