Серена со пораз му се врати на тенисот

Американската тенисерска Серена Вилијамс денес го имаше својот кам-бек на егзибициониот турнир во Абу Даби и загуби од Јелена Остапенко.

На Американката ова и беше прв натпревар по речиси четиримесечна пауза откако ја роди ќерката, па очекувано е да не биде во најдобра форма.

Сервисот на Вилијмс не беше на не беше на посакуваното ниво, а Остапенко тоа добро го искористи и лесно го освои првиот сет со 2:6.

Серена не се предаде, го освои вториот сет и го однесе мечот во супер тај-брејк. Таму, Летонката поведе со 5-0 и ја задржа предноста до самиот крај за да слави голема победа.