Светот во исчекување на ждребот за Мундијалот

Очите на целиот фудбалски свет ќе бидат вперени кон Катар, каде вечерва ќе се одржи ждребот за Мундијалот.

Ждрепката ќе се одржи од 18 часот по наше време, каде 32 репрезентации ќе бидат распоредени во 8 групи.

Правилата на ждрепката се многу едноставни, а вреди да се нагласи дека А1 позицијата автоматски ќе ја добие домаќинот Катар кој е во првиот барабан, а потоа ќе бидат извлечени сите останати репрезентации. 

Во моментот на ждребот ќе бидат познати 29 од 32 учесници на Светското првенство. Интерконтиненталните баражи ќе се играат на 13/14 јуни каде се чека подобриот од дуелот меѓу Костарика и Нов Зеланд, како и Перу и победникот од мечот ОАЕ – Австралија. Во Европа, Велс се уште го чека подобриот од дуелот меѓу Шкотска и Украина.