Санчо е прескап, Манчестер Јунајтед тргнува по Дембеле

Примарна цел на Манчестер Јунајтед ова лето ќе биде да се засили со квалитетен крилен напаѓач, а најнова мета е Осман Дембеле.

Со оглед на фактот дека Џејсон Санчо е прескап и тешко дека ќе ја напушти Борусија Дортмунд ова лето, Дембеле се претвори во примарна цел на „црвените ѓаволи“.

Интересот од „Олд трафорд“ за Французинот не е ништо ново. Беше мета на Јунајтед и во 2017 година кога Барселона беше побрза и го доведе за 125 милиони евра од Борусија.

Дембеле не ги оправда очекувањата на „Камп Ноу“, па Барселона е спремна да го продаде ова лето, а за неговата слобода бара 80 милиони евра.

Англиските медиуми тврдат дека двата клуба наскоро ќе започнат преговори, а Јунајтед се надева дека може да го реализира трансферот за 60 милиони евра плус бонуси.