Санчез со оваа изјава ја „запали“ цела Англија – дали го откри својот нов клуб!?

epa05835367 Arsenal's Alexis Sanchez reacts during the UEFA Champions League Round of 16, second leg soccer match between Arsenal FC and Bayern Munich at Emirates stadium in London, Britain, 07 March 2017. EPA/ANDY RAIN

Алексис Санчез би можел да биде една од најжешките трансфер стоии ова лето, бидејќи Чилеанецот најверојатно ќе го напушти Арсенал на крајот на сезоната.

Во интервју за „Ел Графико“, Санчез истакна дека сака да остане во Лондон, но да игра за тим кој ќе освојува трофеи и ќе има победнички менталитет.

„Среќен сум во Лондон и се надевам дека ќе го завршам договорот. Сакам да останам во Лондон и да играм за тим кој освојува трофеи и кој има победнички менталитет. Имам 28 години и се уште имам за играње пред мене. Јас сум играч кој се грижа за себе и своето здравје и можам да играм уште многу години“, изјави Санчез.

Ваквата изјава на Чилеанецот ја разбранува јавноста на Острвот, бидејќи еден од најзаинтересираните клубови за неговиот потпис е Челзи.

Некои медиуми тврдат дека Санчез со ваквата изјава индиректно признал дека сака да се пресели на „Стенфорд Бриџ“ и да освојува трофеи со „сините“.