Фудбалерот на Јувентус, Кристиано Роналдо во интервју за „Франс Фудбал“ изјави дека на 19 години сфатил дека фудбалот се сведува на титули, рекорди и голови.
Португалецот оваа година се најде помеѓу номинираните за „Златната топка“, а во интервјуто кое ќе биде објавено во „Франс Фудбал“ зборуваше за своите достигнувања.
Исхрана, повреди и тренинг – совети од доктор по спортска медицина | Уште еден поткаст
Роналдо оваа сезона го постигна 700-тиот гол во кариерата.
„Тоа е импресивно, горд сум поради тој учинок бидејќи на многу играчи не им успеало. Ако ме прашате кој гол ми е омилен би кажал оној во дресот на Реал против Јувентус во април 2018 година. Таков гол чекав со години“.
Португалецот е познат како голем работник.
„На 19 или 20 години сфатив дека фудбалот се сведува на титули, рекорди и голови. Потребен е талент, но без работа е бескорисен. Ништо не паѓа од небо. Никогаш не би бил тоа што сум денес без голема работа“.
Зборуваше и за ривалството со Меси.
„Еден со друг се правевме подобро. Тоа беше здраво ривалство“.
На крајот беше запрашан на што се надева во продолжение од кариерата.
„Мојата цел е да остана млад. Да бидам конкурентен. Покажете ми играч кој игра на мое ниво, во мои години и во тим каков што е Јувентус“, одговори Португалецот.
Учество во игри на среќа е дозволено за лица со 18+ години. Играј одговорно!