Роналдо: Не сме задоволни, дојдовме за повеќе на ова ЕП

Португалија вчера во осминафиналето го заврши настапот на Европското првенство, Португалците беа елиминирани во дербито од Белгија.

Секако, карактер на победник како Роналдо не е задоволен од она што неговата селекција како актуелен европски шампион го постигна на турнирот.

„Многу рано го завршивме турнирот, ова не е резултатот кој го посакувавме. Сепак, горди сме на тоа што дадовме се од себе. Овој тим покажа дека може да донесе уште многу радост на навивачите. Се боревме до крајот за да ја оправдаме довербата, меѓутоа не го остваривме тоа по кое дојдовме на Европското првенство“, изјави Роналдо.

Ќе споменеме и дека Роналдо вчера веројатно го одигра последниот натпревар во дресот на португалската репрезентација на Европските првенства.