Роналдо не се враќа во Торино, ќе биде во изолација во Мадеира

Кристиано Роналдо нема да се врати во Торино и ќе остане во родната Мадеира во наредниот период.

Португалскиот фудбалер реши да остане дома затоа што не сака да го загрози неговото здравје, како и здравјето на неговото семејство.

Португалскиот напаѓач замина дома за да ја посети својата мајка по победата на Јувентус со 2:0 над Интер, а потоа беше објавено дека неговиот соиграч Даниеле Ругани е позитивен на коронавирус.

Сега целиот тим на Јувентус е во карантин, а Роналдо реши да остане во Мадеира во самоизолација.

„Кристиано не тренираше и останува во Мадеира чекајќи развој на настаните. Остануа да се види како ќе се одвиваат настаните, пред било што да преземеме за негово враќање во Торино“, потврдија од клубот.