Роналдо избега од новинарите, тие тврдат: Португалецот не го сака Мбапе!

Голем број на медиуми денеска го пречекаа Кристиано Роналдо во судот на првото рочиште за обвиненијата за затајување данок од 14,7 милиони евра.

Синоќа пристигнаа вести дека Португалецот ги одби обвиненијата и дека доколку се прогласи за виновен би можел да си оди во затвор. Тој денеска во 11:30, според закажаното, пристигна во судот со приватни луѓе од Реал Мадрид задолжени за безбедноста, но и свои адвокати.

Тој со автомобилот директно влезе во гаражата на судот, за јасно да ги избегне новинарите. Околку 11:50 започна рочиштето во судот, и траеше околку еден час, а „Марка“ пишува дека Роналдо бил многу мирен и јасен.

Но, потоа следуваше експолозијата на незадоволството меѓу новинарите кога беше објавено дека нема да се обрати на медиумите. Тој го напушти судот, а едноставно ќе издаде соопштение за медиумите. Сега се шпекулира дека рочиштето сепак поминало лошо, бидејќи тој ги одбил, иако било договорено да се појави пред новинарите.

Медиумите денеска во Шпанија се занимаваа со тврдењето дека Роналдо не го сака Мбапе во екипата, бидејќи тоа би значело помала минутажа за него, односно му дава повод на Зидан да го одмара што не му се допаѓа на Кристиано Роналдо.

Дури се оди толку далеку што медиумите тврдат дека Мбапе го критикуваше Роналдо кога јавно кажа дека без оглед на исходот од финалето во Кардиф, Буфон би морал да ја добие Златната топка. Но, тоа се само шпекулации, Мбапе како дете бил во Реал Мадрид, се запознал со Роналдо и не крие дека е негов идол.

Како што пишувавме до сега, по Суперкупот во Скопје, а пред Суперкупот на Шпанија со Барса, Флорентино Перез има намера да го претстави Мбапе како најскапо засилување во историјата на фудбалот.