Роналдо емотивно се збогува од Кралицата Елизабета

Кристијано Роналдо се приклучи на големиот број познати личности кои се простија од Кралицата Елизабета.

Португалецот голем дел од својата кариера помина во Манчестер Јунајтед каде што настапува и оваа сезона, па така Велика Британија е посебна земја за него.

„Осма сезона од кариерата ја минувам живејќи во Англија, период во кој не чувствував ништо друго освен огромна љубов кон Обединетото Кралство и кон Кралицата. Сочувствувам со тагата на британскиот народ и моите мисли и молитви се со кралското семејство“, гласи пораката на Ронлдо.

Ќе потсетиме, поради смртта на Кралицата викендов сите спортски настани вклучувајќи ги и средбите од Премиер лигата се одложени.