Роналдо добил понуда да се врати во Европа – ако ја прифати ќе игра и ЛШ!

Кристијано Роналдо во четвртата деценија од животот игра во Саудиска Арабија каде што му оди одлично и постигнува голови. Претходно неколку пати Португалецот потенцираше дека нема намера да се врати во Европа, но тоа би можело да се промени.

Но, според информациите од Саудиска Арабија, Роналдо бил незадоволен што и покрај инвестициите не успева да освои трофеј. Наводно, сега пред португалскиот ас е понуда од Спортинг, клубот каде што ја започна професионалната кариера.

Спортинг сезонава е пред титула во португалското првенство и има седум бода предност во однос на Бенфика, па така скоро сигурно е дека наредната сезона ќе биде дел од Лигата на шампионите.

За Роналдо тоа би бил нов предизвик бидејќи е познато дека Лигата на шампионите е неговото омилено натпреварување. Сепак, останува да се види како ќе се одвиваат работите.