Роналдо вчера на полувремето влегол во соблекувалната на Реал

Вчера во рамките од Ла Лига беше одиграно ново „Ел Класико“ кое на крајот го доби Реал Мадрид со 2:0.

Головите за Реал Мадрид ги постигнаа Винисиус во 71. минута и Маријано Диаз во завршницата од натпреварот. Винисиус голот го прослави Роналдо кој овој натпревар го следеше од трибините.

Винисиус после натпреварот откри и дека така славел затоа што Роналдо на полувремето влегол во нивната соблекувална да им искаже поддршка.

„Роналдо на полувреме дојде во соблекувалната да не поддржи. Токму поради голот го славев како него. Тој е победник и на теренот и надвор од него“, изјави младиот Бразилец.