Рома пријави рекорден минус од 204 милиони евра

Италијанскиот прволигаш Рома објави дека до 30. јуни минатата сезона забележа загуба од 204 милиони евра.

Клубот кој неодамна беше купен од Американецот, Дан Фриедкин за 600 милиони евра од Џејмс Палота за оваа загуба ја обвини пандемијата со коронавирусот.

Рома веќе беше во минус пред пандемијата, а корона-кризата ги влоши нејзините финансиски проблеми со тоа што влијаеше на спортските натпреварувања, телевизиските права и спонзорството.

Песимизам предизвика и тоа што тимот не се пласираше во Лигата на шампионите и што не заработија онолку колку што очекуваа во преодниот рок. За Грегори Дафрел (Сасуоло), Максим Гоналонс (Гранада), Александар Коларов (Интер) и Патрик Шик (Баер Леверкузен), Рома доби вкупно 13 милиони евра.