Реми на Вардар и Звезда во Анталија

Вардар денес ремизираше во натпреварот со Црвена Звезда, натпреварот заврши без голови 0:0.

Овој натпревар го следеше и селекторот Игор Ангеловски. Звезда имаше повеќе од играта, меѓутоа благодарение на Гачевски и одбраната на Вардар резултатот остана оној почетниот. Во една прилика српскиот тим ја погоди и стативата.

Во првиот дел скоро и да не видовме шанси, се играше повеќе на средината на теренот.

Звезда ја превзема иницијативата во второто полувреме, а во една прилика ја погодија и стативата. Во самиот финиш пропуштија и голема шанса преку Крстовиќ да дојдат до победата. Играчот на Звезда од добра позиција шутираше на над голот.

За Вардар ова е прв натпревар во кој остана непоразен, после трите порази во претходните „контролки“ во Анталија.