Реал признава: Го добивме најтешкиот противник!

Директорот на Реал Мадрид, Емилио Бутрагењо не е среќен од жребот за четвртфиналето во ЛШ и признава дека „кралевите“ го добиле најтешкиот противник.

Реал Мадрид и Баерн ќе се судрат во четвртфиналето, а Бутрагењо признава дека сакале да играат против Баварците во подоцнежната фаза од турнирот.

„Баерн е еден од најтешките противници и ни падна токму на нас. Сакавме да играме со нив, но некоја фаза подоцна. Мала предност за нас е што реваншот ќе го играме дома“, изјави Бутрагењо.

„Анчелоти е голем тренер кој има огромно искуство. Мислам дека жребот не е убава вести ниту за нас, ниту за нив“, призна директорот на „кралевите“.