Реал Мадрид порачува: Нема да одложуваме натпревари, ќе играме со играчите што ги имаме!

Шпанскиот гигант Реал Мадрид се соочува со сериозни проблеми затоа што поради вирусот не можат да сметаат на многу фудбалери, но и покрај тоа „кралевите“ во претходното коло го совладаа Атлетик Билбао на „Сан Мамес“.

Дури и поради проблемите со вирусот, Реал Мадрид соопшти дека сака да ги игра своите натпревари и не сака да ги одложува натпреварите со што би се направил дополнителен хаос во распоредот.

„Ќе играме со фудбалерите кои ни остануваат, како и со млади фудбалери од академијата“, соопштија од Мадрид.

„Кралевите“ ја освоија есенската титула и имаат осум бода повеќе од второпласираната Севиља, која сезонава им е најсериозен конкурент на ѕвездите на Реал Мадрид.