Реал Мадрид повеќе нема место за трофеите: Треба да го прошири музејот!

Реал Мадрид ќе треба да го прошири клупскиот музеј на „Сантиаго Бернабеу“, бидејќи во моментов во него нема место за да ја постави рекордната 13-та титула од ЛШ.

Шпанскиот гигант во саботата во Киев го победи Ливерпул во финалето и ја освои третата последователна титула, вкупно 13-та во клупската историја од најпрестижното натпреварување.

Според „Марка“ во одделот на музејот каде треба да стојат титулите од Лигата на шампиони, нема место за последниот трофеј.

Клубот одлучил да направи уште еден изложбен простор, за да можат сите 13 трофеи од ЛШ да бидат покажани заедно на едно место следната недела.