Реал Мадрид и Сити спремаат спектакуларна трампа

Реал Мадрид е заинтересиран за услугите на напаѓачот на Манчестер Сити, Габриел Жезус, пренесуваат шпанските медиуми.

Бразилецот е незадоволен од својот статус на „Етихад“ и јавно изјави дека сака да игра повеќе, бидејќи после цели три години се уште не може да се избори за првотимски статус.

Зинедин Зидан во него гледа идеално засилување во нападот, па ќе се обиде да го донесе следното лето во својот тим.

Цената на Габриел Жезус во моментов изнесува 100 милиони евра, па Реал е спремен да го жртвува Герет Бејл за да го финансира неговиот трансфер.

Шпанските медиуми пренесуваат дека не е исклучена и трампа со Иско, за кого Гвардиола покажува интерес веќе подолго време.