Реал ги сака Зидан и Мбапе во „пакет“

Легендарниот француски фудбалер и тренер Зинедин Зидан е спремен повторно да и се врати на тренерската работа.

Зидан имаше неколку понуди од европските гиганти, кои ги одби во изминатиот период, а откако се повлече од функцијата во Реал Мадрид во мај 2021 година, тој е без работа.

Шпанските медиуми пренесуваат дека Зидан на лето би можел по трет пат да се врати на клупата на Реал Мадрид.

Зидан е прв избор за претседателот Флорентино Перез, а во „кралскиот“ клуб веруваат дека така ќе можат полесно да го привлечат Килијан Мбапе.

Зидан со „кралевите“ ја освои Лигата на шампиони три пати, како и Ла Лига, Суперкупот на Европа, Суперкупот на Шпанија и Светското клупско првенство.

🚨 Real Madrid have reconnected with Zinedine Zidane! 🇫🇷

His arrival could help convince Kylian Mbappé to join Los Blancos finally.

(Source: @Santi_J_FM) pic.twitter.com/jO4WK1flcW

— Transfer News Live (@DeadlineDayLive) April 27, 2023