Рамос спремен да ја намали платата, но не колку што сака Реал

Сагата околу иднината на Серхио Рамос во Реал Мадрид се уште трае, но се чини дека двете страни сега се поблиску до договор.

Договорот на Рамос со Реал Мадрид истекува на крајот на сезоната, а двете страни не можат да најдат заеднички јазик за продолжување на соработката.

Шпанските медиуми пренесуваат дека Рамос е спремен да прифати помала плата. Тој лично имал разговор со претседателот Перез и ги изнел своите услови.

Меѓутоа, капитенот се согласува за намалување на платата за 10%, додека „кралскиот“ клуб бара од него намалување за 20%.

Сепак, се чини дека сега двете страни се поблиску до договор за продолжување на соработката со 2023 година.