Работно во Минхен: По засилувањето го продолжија договорот со Коман, се очекуваат и два нови потписи!

Oдлични вести за Баерн Минхен.

Не успеа во ПСЖ, не доби голем простор за игра во Јувентус, но во Баерн и тоа како има место за Кингсли Коман.

Овој фудбалер денес наместо до 2021 година го продолжи договорот до 2023 година. Се разбира со зголемување на платата на 6.5 милиони евра по сезона.

Сето ова е последица на напредокот во играта на Кингсли Коман во последните два месеци. Посебно после враќањето на Јуп Хејнкес. Во првиот дел од сезоната одигра 24 натпревари во сите натпреварувања, постигна четири и намести седум погодоци.

Работата со Коман беше завршена денес откако. Претходно Сандро Вагнер стана првото засилување за Баерн во зимскиот преоден рок, а како што пренесува „Билд“ наскоро се очекува Баерн да ги продолжи договорите и со Арјан Робен и Франк Рибери.