ПСЖ не запира: Најде замена за Кавани и формира „пеколно“ трио

Пари Сент Жермен игра фантастично оваа сезона и е еден од главните фаворити за освојување на Лигата на шампиони.

Триото Мбапе – Кавани – Нејмар функционира одлично, но Уругваецот најверојатно ќе си замине од Париз на крајот на сезоната.

Кавани сака да замени, најмногу поради лошите односи со Нејмар, а раководството на ПСЖ нема да му стои на патот. Имено, „светците“ веќе бараат негова замена, а „Марка“ тврди дека тоа би можел да биде Алваро Мората.

Со тоа ПСЖ сака да формира „пеколно“ трио кое ќе може заедно да игра во следните неколку години, Нејмар – Мората – Мбапе.

Сигурно дека Челзи нема лесно да се откаже од својата ѕвезда, но доколку Антонио Конте замине од „Стенфорд Бриџ“ тогаш и самиот Мората ќе побара трансфер.

Инаку, Мората неодамна изјави дека одлично се чувствува во Лондон, но дека тоа не е место каде што сака да живее подолго време.