ПСЖ го искушува Погба со астрономска понуда

Иднината на Пол Погба е главна тема бидејќи Французинот влезе во последната година од договорот со Манчестер Јунајтед.

Овој 28-годишен фудбалер одлично ја почна новата сезона во Премиер лигата, но одбива да го продолжи договорот со Манчестер Јунајтед.

Неговата намера е да го одработи договорот до крај и следното лето да си замина како слободен агент, а на маса веќе има богата понуда.

Имено, ПСЖ му нуди плата од 600.000 евра неделно доколку Погба како слободен агент пристигне во Париз следното лето.

Реал Мадрид исто така покажува сериозен интерес за Французинот, но ПСЖ му нуди многу подобри финансиски услови.

После пристигнувањето на Роналдо на „Олд Трафорд“ медиумите пишуваат дека Погба сериозно размислува да потпише нов договор со Манчестер Јунајтед.