Промена во Торино: Влаховиќ во новата сезона нема да биде „седмицата“ на Јувентус

Во новата сезона Јувентус сигурно влегува со поголеми амбиции од онаа што ја заврши неодамна.

Некои играчи заминуваат, а се очекува доаѓање на Пол Погба и Анхел Ди Марија. Сега во Торино се случи и промена на броевите.

Напаѓачот кој во зимскиот преоден рок пристигна од Фиорентина, Душан Влаховиќ повеќе нема да ја носи „седмицата“. Таа оди на грбот на Федерико Киеза кој недостасуваше во вториот дел од сезоната поради повреда.

Влаховиќ во иднина во Јувентус ќе ја носи „деветката“ на Алваро Мората кој го напушти клубот.

From DV7 to #DV9 🔥

— JuventusFC (@juventusfc) July 1, 2022