Потпретседателот на Барселона: Му симнувам капа на Перез, ако бевме паметни и ние ќе имаве иста ситуација

Ретко се случува да има пофалби помеѓу Реал Мадрид и Барселона, а сега се случи токму тоа.

Потпретседателот на Барселона, Едуард Ромеу го пофали начинот на кој Флорентино Перез ги води финансиите во Реал Мадрид.

„На Перез му симнувам капа за начинот на кој го води тимот. Да бевме паметни и ние ќе имавме иста ситуација. Верувам дека наредното лето можат да ги донесат Мбапе и Халанд, имаат можност. За неговата работа, Перез многу го ценам и го почитувам, можам да кажам само најдобри работи“, изјави Ромеу.

И овие пофалби се заслужени затоа што Реал Мадрид е еден од ретките клубови кој од финансиската криза поради пандемијата излезе со мала загуба.