Потврдено: Јувентус ја „затвори“ одбраната со искусниот Германец!

Она што и беше најавувано во текот на претходните денови денес беше и потврдено, Јувентус доведе замена за Леонардо Бонучи.

После првите две кола во Серија А, посебно после натпреварот против Џенова, беше јасно дека Јувентус мора да ја засилува одбраната, а изборот падна на искусниот Германец од редовите на Шалке, Бенедикт Ховедес.

За Ховедес интерес покажуваше и Ливерпул, но фудбалерот сакаше трансфер во Јувентус. Како што пренесуваат италијанските медиуми дефанзивецот веќе се простил од своите соиграчи во Шалке и ќе се пресели во Торино за сума од 15 милиони евра.

Ховедес е навистина одлично засилување за одбраната на италијанскиот шампион. Да потсетиме тој беше избран и во идеалниот тим од Мундијалот во 2014 година.

#Howedes alla #Juve C'è intesa anche con lo #Schalke per il prestito oneroso con riscatto per un totale di circa 15 milioni @CorSport

— Antonio Barillà (@AntBarilla) August 28, 2017