Поранешниот голман на Англија објави крај на кариерата

Eкс-репрезентативниот голман на Англија Бен Фостер одлучи да стави крај на кариера по само пет натпревари во новата сезона на голот на Врексам.

Англискиот голман има 40 години, а своевремено пет години беше во Манчестер Јунајтед од 2005 до 2010, но имаше улога на резервен голман и одигра само 12 натпревари.

Покрај Јунајтед го носеше дресот уште на Вотфорд, Бирмингем, ВБА Стоук. За репрезентацијата собра осум настапи.

„Моите перформанси не се на посакуваното ниво, не е онака како што очекував и затоа мислам дека е време да се откажам. Ова е најдобра одлука за мене и клубот, сметам дека е време да кажам збогум и да оставам простор клубот да ангажира нов голман пред крајот на преодниот рок“, изјави Фостер.