Понуда имало: Чави јавно објасни зошто ја одби Барселона

Чави Ернандез беше најголем фаворит за нов тренер на Барселона, но легендарниот фудбалер на каталонскиот клуб на крајот ја одби таа понуда.

Преговорите помеѓу Чави и Барселона се водеа во Доха и изгледаше дека се е спремно за негов ангажман, но на крајот легендарниот фудбалер ја одби Барселона.

Сега Чави јавно потврди дека постоела понуда и објасни зошто ја одбил.

„Нема да кријам, постоеше понуда. Разговарав со Ерик Абидал и Оскар Грау. Не ја прифатив понудата бидејќи сметам дека е прерано за мое доаѓање таму, во иднина секако дека сакам да бидам тренер на Барселона“.

„За понудата кажав на моето семејство, а потоа и на играчите на Ал Сад. Во тие денови не бев фокусиран, но сега сум само на овој клуб“, изјави Чави.

За новиот тренер на Барселона, Кике Сетиен изјави:

„Ми се допаѓа изборот на новиот тренер и неговиот начин на работа. Се надевам дека ќе има успех“, порача легендарниот Шпанец.

Сетиен со Барселона потпиша договор до 2022 година и нема да биде изненадување ако после него на клупата на Барселона дојде Чави.