Полицијата приведе едно лице поради препродажба на билети за Суперкупот

41-годишен Скопјанец е приведен од страна на полицијата, бидејќи препродавал билети за Суперкуп.

Имено, тој нудел билети и преку интернет се рекламирал оставајќи како контакт свој телефон. Притоа, тој ги продавал картите во вредност од 600евра.

Полицијата по извршениот претрес во домот на Скопјанецот ги пронашла билетите и го привела лицето.

Полицијата му ги одзела телефонот, компјутерот и сим-картичката кои ќе се најдат во доказната постапка. Според законските измени направени непосредно пред оддржувањето на Суперкупот, ова дело може да биде казниво парично или пак, со затворска казна во времетраење до една година.