Тренерот на Тотенхем, Маурисио Покетино пред првиот полуфинален натпревар против Ајакс кој го играат вечерва на домашен тересн зборуваше за можностите и капацитетот на неговиот тим да изненади во Лигата на шампионите.
Покетино порача дека според него секогаш е фаворит тимот кој во своите редови го има Лионел Меси и дека доколку него би го немало тогаш сите би имале подеднакви шанси.
Пред дербито, падна најважниот потпис во Манчестер Сити! ↓↓↓
„Лично навистина мислам дека тимот кој го има Лионел Меси во своите редови е фаворит. Значи, тоа е Барселона. Доколку него го немаше тогаш сите ќе имавме еднакви шанси“, изјави Покетино, а потоа и го објасни своето мислење:
„Лео е најдобриот во светот, мотивиран е да се бори и да ја освои Лигата на шампионите. Зад себе има долги години фудбал на највисоко ниво и изгледа како да може да игра таков фудбал се додека тој сака“, објасни стратегот на Тотенхем.
Тотенхем и Ајакс оваа сезона се најголемите изненадувања во Лигата на шампионите, а ждрепката сакаше и еден од нив да игра финале. Во второто полуфинале кое на распоредот е утре ќе се сретнат Барселона и Ливерпул.
Учество во игри на среќа е дозволено за лица со 18+ години. Играј одговорно!